Ich wünsche mier & ich wünsche dierIch wünsche mier und dier immer und immer wieder:d’Geischtesgägewart, im rächte Momänt de rächte Person die rächte Wort z’säge ohni Rücksicht uf alti Muschter, ohni mich vo Emotione inäble z’lah – um inere glasklare Schtelligsnahm sofort subere Tisch z’mache! Ich wünsche mier und dier immer und immer wieder:mich vo brune Alltagsgedanke chönne z’befrie, wo mich gärn zudeckid, um jederzyt die bsunderi Wärtschetzig vom einmalige Gschehä i dem Momänt chönnä z’gniesse. Ich wünsche mier und dier immer und immer wieder:die befriendi Klarheit, dich mit em Härz z’betrachte umd d’Wunderbarigkeit vo dier i dinere Einzigartikeit z’ehrä. Ich wünsche mier und dier immer und immer wieder:i allem Banale, Trurigä und Ärgerliche d’Brülle vom Humor chönne ufzsetzä, um s’luschtige Lehrriche dörfe z’erchänne. Ich wünsche mier und dier immer und immer wieder:mich vo Dinere Zärtlichkeit chönne aschteckä z‘lah, um i minere eigete Liebesfähigkeit z’erblühiä. Ich wünsche mier und dier immer und immer wieder:d’Frücht vo üsere gmeinsame Liebi chönne z’ergrifä, um sie andere witer z‘schänke, denn so vermehrt sich d’Liebi tusigfach. Ich wünsche mier und dier immer und immer wieder:imene schlächte Tag d’Gelasseheit füre Schissdräck z’akzeptiere, damit er mier bewusstmache cha: es isch wieder emal Zyt, i mier inne usez’mischtä. Ich wünsche mier und dier immer und immer wieder:es fins Sensorium, um chönne z’erchänne, wie eifach sich d’Harmonie zwüschet üs doch cha usdrücke – i chlinschte und überwältigenschte Überischtimmigkeite. Ich wünsche mier und dier immer und immer wieder:ganz im hie und jetzt z’si, um die einzigartig Beschtimmig vo dem einmalige Momänt JETZT wahrz’näh und z’tue.
Marianne Camenzind, im Februar 2002 |
